«Чаму ў Залінейным раёне маршрутка №19 ездзіць перад самым аўтобусам? Чаму нашы чыноўнікі не могуць зрабіць расклад так, каб было зручна людзям?» – задаецца пытаннем наша чытачка.

«У нашым раёне маршрутка ходзіць толькі адна, – працягвае жыхарка Залінейнага. – Вось і атрымліваецца, што калі не паспеў, то прыходзіцца стаяць з дзецьмі на прыпынку хвілін сорак. А маючы маленькіх дзяцей і ездзячы па вузкіх спецыялістах ў іншыя паліклінікі, дарога займае вельмі шмат часу менавіта з-за таго, што няма магчымасці з'ехаць ці прыехаць дадому.

^{Аўтобус №19 напаўняецца пасажырамі і ад'язджае з прыпынка непадалёк ад чыгуначнага вакзала}

І наогул, калі прыязджаеш у наш раён (прыпынак «Пагранічная» знаходзіцца на самым ускрайку Залінейнага раёна ў напрамку Зялёнага гарадка. – BARYSAU.BY), то назад на вакзал з'ехаць праблематычна і наадварот.

Расклад дзеючай маршруткі, завераны райвыканкамам, у большасці рэйсаў супадае з аўтобусам. І ён ездзіць альбо напаўпусты, альбо наогул не ездзіць, бо яму нявыгадна. Гэта не тычыцца гадзіны піка, калі людзі ездзяць на працу і з яе. А з дзецьмі большасць усё ж ездзіць днём.

^{Зверху – расклад аўтобусаў, якія курсуюць у Залінейным раёне, адыходячы ад прыпынка «Сянная» (каля чыгуначнага вакзала) у накірунку прыпынка  «Пагранічная», а ніжэй – расклад маршруткі №19. Паводле гэтых раскладаў ад'езды аўтобуса і маршруткі №19 павінны адбывацца ў строга вызначаныя гадзіны, якія паміж сабой не супадаюць. Але як адбываецца насамрэч?}

Думаю, нашы чыноўнікі не жадаюць пераглядаць расклад. Да іх ужо звярталіся і вадзіцель, і гаспадары маршруткі…»

^{Прыпынак «Пагранічная», з якога даехаць да цэнтра Барысава не ў «гадзіну пік» часта бывае праблематычна}

Аддзел інфармацыі barysau.by